Moshe ben Nahman (Ramban)ex2Re h Efa h4Z00j^n T tentBb
Moshé ben Nahmán, yamado Nahmánides (Djirona, 1194 –- Eretz Yisrael, 1270), en el calendario djudio 4954-5029, haham espanyol. Konosido en el djudaismo kon el akronimo Ramba"n (de Rabí Moshe ben Nahmán) i yamado en los dokumentos kristyanos komo Bonastruc ça Porta, a la létra Mazal tov desde la puerta. Era la mas emportante autoridad relijioza djudia de su epoka.
El Ramba"n era filosofo, talmudizto i kabalizto. Endemas era mediko. Admirador del Ramba"m, afilu no koensidava kon la su filosofiya i antonses dediko el su lavoro a la kabala. El fondó la eskola kabalistika de Jerona i eskrivió un musta gab, el kualo es la amostra más aedada de la poeziya kabalistika de la Peninsula Iberika. El Ramba"n es konsiderado el major representante de la linea kabalistika i mistika djudia, la kuala se opoza a la linea intelektuala.
Endemas eskrivio komentarios a Job, Rut, i otros komo su Komentario a la Tora, eskrito en Israel, ande eksplika de manera literala los tekstos de la Tora, kon ensinyansas de la kabala. Komo talmudisto eskrivió endemás "Las Gerras del Sinyor" i ovras de moral komo Iggueret a-kodesh ("Epístola de la santidad"), dedikada a dos de sus ijos, i Torat A-Adam ("La Ley del ombre").
Tambien es konosida una diskusion entre el Ramban i el konverso Pablo Christiani enel anyo 1263 (5023 o 5024) en Barselona, delántre del rey Jaime I i de Ramon de Penyafort; en esta diskusion, el Ramban defendió el djudaismo i refutó el kristianismo. Egziste ainda el rejistro ofisial en lingua latina i una versiyon eskrita en ivrit por el Ramban mismo. Dempues de esto, el Ramban se fue a bivir destierrado en 1267 (5027 o 5028) a la Tierra de Israel, ande bivió en Yerushalayim i más tadre en Akre. Murio enel anyo 1270 (5030 o 5031) i sus restos repozan en Haifa.