କୋଏଲ ମିଶ୍ରaqse cata: 3n dwixonssvgodidedigh 1.1942.jitrIi
https://or.wikipedia.org/wiki/Koyel_Mishra
କୋଏଲ ମିଶ୍ର | |
|---|---|
| ଜନ୍ମ ଓ ଜନ୍ମସ୍ଥାନ | କୋଏଲ ବାନାର୍ଜୀ ପଶ୍ଚିମ ବଙ୍ଗ, ଭାରତ |
| ଜୀବିକା | (ଓଡ଼ିଆ) ଅଭିନେତ୍ରୀ |
| କାର୍ଯ୍ୟକାଳ | ୨୦୧୦ରୁ-ଏବେଯାଏଁ |
| ଜୀବନସାଥି | ବବି ମିଶ୍ର[୧] |
କୋଏଲ ମିଶ୍ର ବା କୋଏଲ ବାନାର୍ଜୀ ଜଣେ ଓଡ଼ିଆ କଥାଚିତ୍ର ଅଭିନେତ୍ରୀ । ସେ ୨୦୧୦ ମସିହାରେ ଓଡ଼ିଆ କଥାଚିତ୍ର ତୁ ଥାଆ ମୁଁ ଯାଉଚି ରୁଷି ଚଳଚ୍ଚିତ୍ର ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।[୧] ପଶ୍ଚିମ ବଙ୍ଗରେ ଜନ୍ମିତା ଏହି ଅଭିନତ୍ରୀ ଓଡ଼ିଆ କଥାଚିତ୍ରରେ ଅଭିନୟ କରିବା ପରେ ଅଭିନେତା ବବି ମିଶ୍ରଙ୍କୁ ବିବାହ କରିଥିଲେ ।
ବିଷୟସୂଚୀ
- ୧ ପ୍ରାରମ୍ଭିକ ଜୀବନ ଓ ପରିବାର
- ୨ ଅଭିନୟ ଜୀବନ
- ୩ ଅଭିନୀତ କଥାଚିତ୍ର
- ୪ ଆଧାର
- ୫ ବାହାର ଆଧାର
ପ୍ରାରମ୍ଭିକ ଜୀବନ ଓ ପରିବାର[ସମ୍ପାଦନା]
କୋଏଲ ପଶ୍ଚିମ ବଙ୍ଗରେ ଜନ୍ମଗ୍ରହଣ କରିଥିଲେ । ସେ କୋନ୍ନଗର ସ୍କୁଲରେ ପଢ଼ିଥିଲେ ଏବଂ ତା'ପରେ କଲିକତା ବିଶ୍ୱବିଦ୍ୟାଳୟରେ ପଢ଼ିଥିଲେ । ସେ ଓଡ଼ିଆ କଥାଚିତ୍ର ଜଗତରେ କାମ କରିବା ପରେ ଅଭିନେତା ବବି ମିଶ୍ରଙ୍କୁ ବିବାହ କରିଥିଲେ ।[୧]
ଅଭିନୟ ଜୀବନ[ସମ୍ପାଦନା]
କୋଏଲ ୨୦୧୦ ମସିହାରେ ତୁ ଥାଆ ମୁଁ ଯାଉଚି ରୁଷି ଚଳଚ୍ଚିତ୍ର ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।[୧] ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ଶ୍ରୀତମ ଦାସ ।[୨] ଅଭିନେତା ଅରିନ୍ଦମ ରାୟ ଏହି କଥାଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିଥିଲେ । ମିହିର ଦାସ, ଉଷସୀ ମିଶ୍ର, ଶ୍ରୀତମ ଦାସ, ଜିନା ସାମଲ, ପ୍ରଦ୍ୟୁମ୍ନ ଲେଙ୍କା, ସରୋଜ ଦାସ, ପିଣ୍ଟୁ ନନ୍ଦ ଆଦି କଳାକାରମାନେ ଅଭିନୟ କରିଥିଲେ ।
୨୦୧୦ର ଅନ୍ୟ ଏକ କଥାଚିତ୍ର ତତେ ଭଲ ପାଉଛି ବୋଲିରେ ଅଭିନେତା ଦେବାଶିଷ ପାତ୍ରଙ୍କ ସହ ଅଭିନୟ କରିଥିଲେ ।[୧] ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ଅପରାଜିତା ମହାନ୍ତି, ମିହିର ଦାସ, ଜୟୀରାମ ସାମଲ, କୁନା ତ୍ରିପାଠୀ, ବବି ମିଶ୍ର, ବିରେନ ମିଶ୍ର, ରବି ମିଶ୍ର ଆଦି କଳାକାରମାନେ । ନିର୍ଦ୍ଦେଶକ ପ୍ରଶାନ୍ତ କୁମାର ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ।
୨୦୧୧ ମସିହାରେ ଓଡ଼ିଆ କଥାଚିତ୍ର ମନ ମୋର ପ୍ରଜାପତିରେ ଅଭିନୟ କରିଥିଲେ କୋଏଲ ।[୧] ଦୀପକ ବାରିକ ଏହି କଥାଚିତ୍ରଟିର ମୁଖ୍ୟ ଭୂମିକାରେ ଅଭିନୟ କରିଥିଲେ । ମିହିର ଦାସ, ପୁଷ୍ପା ପଣ୍ଡା, ପିଣ୍ଟୁ ନନ୍ଦ, ଜୀବନ ପଣ୍ଡା ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ । ନିର୍ଦ୍ଦେଶକ ଅନାମ ଚରଣ ସାହୁ ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ।
୨୦୧୧ର ଅନ୍ୟ ଏକ କଥାଚିତ୍ର ୧୪୩ ଆଇ ଲଭ ୟୁରେ କୋଏଲ ଅଭିନେତା ବାବୁଶାନ୍ଙ୍କ ନାୟିକା ଭୂମିକରେ ଅଭିନୟ କରିଥିଲେ ।[୧] ଅଶୋକ ପତି ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ । ସିଦ୍ଧାନ୍ତ ମହାପାତ୍ର, ନମ୍ରତା ଥାପା, ସମରେଶ ରାଉତରାୟ, ମିହିର ଦାସ, ମୀନକେତନ, ତନ୍ମୟ ମିଶ୍ର ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ।
୨୦୧୨ରେ ମୁକ୍ତିଲାଭ କରିଥିବା ଅଭିନେତା ତଥା ନିର୍ଦ୍ଦେଶକ ହର ପଟ୍ଟନାୟକଙ୍କ ନିର୍ଦ୍ଦେଶିତ ଶେଷ ଓଡ଼ିଆ ଚଳଚ୍ଚିତ୍ର ଓମ୍ ସାଇ ରାମ୍ରେ କୋଏଲ୍ ଅଭିନୟ କରିଥିଲେ ।[୧] ଏହି କଥାଚିତ୍ରଟିରେ ସେ ନାୟକ ବୁଦ୍ଧାଦିତ୍ୟ ମହାନ୍ତିଙ୍କ ସହ ଅଭିନୟ କରିଥିଲେ । ସବ୍ୟସାଚୀ ମିଶ୍ର, ପ୍ରକୃତି ମିଶ୍ର, ମାନସ, ଅଶ୍ରୁମୋଚନ ମହାନ୍ତି, ହର ପଟ୍ଟନାୟକ, ମୌସୁମୀ ମହାନ୍ତି, ବ୍ରଜ ସିଂହ, ସରୋଜ ଦାସ, ଚକ୍ରଧର ଜେନା, ନମନ୍ଦିତା ପାଢ଼ୀ, ସ୍ମିତା ମହାନ୍ତି ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ।
୨୦୧୪ ମସିହାରେ କୋଏଲ ଆମେତ ଟୋକା ଷଣ୍ଢ ମାର୍କା ଚଳଚ୍ଚିତ୍ରରେ ଅଭିନେତା ପପୁ ପମ ପମଙ୍କ ନାୟିକା ଭାବରେ ଅଭିନୟ କରିଥିଲେ ।[୩] ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ଆର୍ ଭଗତ ସିଂହ । ମିହିର ଦାସ, ପ୍ରିୟଙ୍କା ମହାପାତ୍ର, ହର ରଥ, ଅରବିନ୍ଦ ଷଡ଼ଙ୍ଗୀ, ମୀନକେତନ ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ।
୨୦୧୫ରେ ମୁକ୍ତିଲାଭ କରିଥିବା ଓଡ଼ିଆ କଥାଚିତ୍ର ଆଶିକ୍ରେ କୋଏଲ ଅଭିନେତା ସମ୍ବିତ ଆଚାର୍ଯ୍ୟଙ୍କ ସହ ଅଭିନୟ କରିଥିଲେ ।[୪] ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ସୁଧାକର ବସନ୍ତ । ପପୁ ପମ ପମ, ହରି, ସୁଧାକର ବସନ୍ତ, ସୋଫିଆ ଆଲମ୍, ସରୋଜ ଦାସ, ପିଣ୍ଟୁ ନନ୍ଦ, ପପି ସନ୍ତୁକ, ପ୍ରମୋଦ କୁମାର ସ୍ୱାଇଁ ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ।[୫]
ଅଭିନୀତ କଥାଚିତ୍ର[ସମ୍ପାଦନା]
| ବର୍ଷ | ଚଳଚ୍ଚିତ୍ର | ଭୂମିକା | ମନ୍ତବ୍ୟ |
|---|---|---|---|
| ୨୦୧୦ | ତୁ ଥାଆ ମୁଁ ଯାଉଚି ରୁଷି | ପ୍ରଥମ ଓଡ଼ିଆ କଥାଚିତ୍ର | |
| ତତେ ଭଲ ପାଉଛି ବୋଲି | |||
| ୨୦୧୧ | ୧୪୩ ଆଇ ଲଭ ୟୁ | ||
| ମନ ମୋର ପ୍ରଜାପତି | |||
| ୨୦୧୨ | ଓମ୍ ସାଇ ରାମ୍ | ||
| ୨୦୧୪ | ଆମେତ ଟୋକା ଷଣ୍ଢ ମାର୍କା | ||
| ୨୦୧୫ | ଆଶିକ୍ |
ଆଧାର[ସମ୍ପାଦନା]
- ↑ ୧.୦ ୧.୧ ୧.୨ ୧.୩ ୧.୪ ୧.୫ ୧.୬ ୧.୭ "Koyel Oriya Actress". Incredible Orissa. 19 April 2012. Retrieved 27 March 2018.
- ↑ "ଏହି ନବାଗତଙ୍କ ନାୟିକା ବନିଛନ୍ତି କୋଏଲ୍". sambad.in. 26 April 2018. Retrieved 6 June 2018.
- ↑ "ଏହି ନାୟକଙ୍କ ନାୟିକା ସାଜିନାହାନ୍ତି କୋଏଲ !". sambad.in. 27 August 2017. Retrieved 20 September 2017.
- ↑ "Release Today: Aashiq ana Apna Haath Jagannath Odia Films". Incerdible Orissa. 17 September 2015. Retrieved 27 August 2017.
- ↑ "Aashiq Odia movie of Sambit, Koyel, Papu". E News ଓଡ଼ିଆ. 31 August 2015. Retrieved 27 August 2017.
ବାହାର ଆଧାର[ସମ୍ପାଦନା]
- କୋଏଲ ମିଶ୍ର (ଇଣ୍ଟରନେଟ ମୁଭି ଡାଟାବେସରେ)
- ଫେସବୁକରେ କୋଏଲ ମିଶ୍ର