OlstYNn4 Nn l d dan Ee067m1eAa_4Oot U123
Olst is een döarpken van 5066 inwonners in de hudige gemeente Olst-Wieje, in de Nederlaandse proveensie Oaveriessel. Töt 2001 was Olst de heufdstea van de lieknamige oolde gemeente. Seend et samengoan met Wieje mut et dee eare delen met dee wonstea.
Inhold
- 1 Verleden
- 2 Ligging
- 3 Geboren
- 4 Fotoriege
Verleden[bewark | bronkode bewarken]
Et doarp wörd veur et eerste neumd in 947, as Holsto. Keaizer Otto I neumt de heuve Olst, Archem en Yrthe as tooheurig an et klooster te Essen.
Um de Koolde Oorlog wör der in Olst op laandgood De Haere en belangriek deel van de Iessellinie bouwd, met ofzeenkboaren dam in de rivier en ne sloeze in den rivierdiek. Doarbie wörden der oaver ne grote strekke beunkers ebouwd veur soldoaten en verdeadiging. Hiermet wollen ze ne meugelike Russiese invasie tegenhoalden, duur et hele Iesseldal oonder water te zetten. Dit wör strikt geheim eheulden. Pas an et eande van de negentiger joaren wör et woare nut van al de bouwsels dudelik. Seend dee tied bint een antal beunkers vrie toogaankelik.
In 1997 wör der in Olst op anvroage van de Herensociëteit v/h De Nut's Neut deur Wim T. Schippers en oold-Tros-presentatrize Willy Dobbe et Willy Dobbeplantsoen lösdoan. Dit was eerst een gräpken van Schippers oet zinne tellevisieriege De lachende scheerkwast.
Töt an et eande van de zeuventiger joaren van et 20ste joarhoonderd mos Olst et wat seanten angeet veural hebben van boeren, tuinderieje, vleaisverwoarking en steenfabrieken.
Oonder de verzoeling was Olst zowat liekmoatig oawer de protestaantse Rooms-Katholieke en sosjalistiese zoelen verdeeld. Et doarp hef ne Romaans protestaantse karke oet et 13de joarhoonderd, woarvan as de oonderbouw deels maakt is met tufsteender van een oalder kärksken.
Olst is rechtevoort een forensendoarp. An den diek stoat twee möllens, de Bökkers Mölle en de Mölle van Boks. An de Veerweg steet et keunstwark "Baken van Oaveriessel".
Ligging[bewark | bronkode bewarken]
Olst ligt an den rivier den Iessel. Langs et westen kom iej in Olst oaver de kabelveerboot et Olsterveer. Met de wagen kom iej in Olst oawer de N337. Olst hef een egen treinstasjon an de liene Ernhem-Leeuwarden (de Iesselliene). Wiedters kö'j der met de busse oawer busliene 161 kommen (Deaventer-Zwolle).
Geboren[bewark | bronkode bewarken]
- Arnold Jan Bernard van Suchtelen (1770-1849), börgemeaster van Deaventer en Tweede Kamerlid veur Oaveriessel
- Reinhart Frans van Lansberge (1804-1873), koloniaal besteurder
- Johannes Hendrikus Aberson (1857-1935), eersten rector-magnificus Landbouwhogeskole in Wageningen
- Willem van Rappard (1946), börgemeaster Noordoostpolder
- Evert van de Poll (1952), godgeleardern, predikaant en redakteur
Fotoriege[bewark | bronkode bewarken]
Protestaantse karke
Gedeankteken Iessellinie
Den Iessel
Laandgood de Haere
Willy Dobbeplantsoen
Boake bie Olst
Oeterwearden
De Duursche Waarden bij Fortmond
Het baken van Overijssel
Ga'k, Ga'k nie! in et sentrum
Watertoren
Diekmagazien of Diekstool
Mark- of peilsteen in gevel met NAP-peil (Normaal Amsterdams Peil) an de Rieksstroatweg 8 in Olst
