Майдан (Закарпатска область)ecl600oxi srیلشfbYK eMacodiKiwidup Thredc
Майдан (Закарпатска область) — едно значѣня з вецерох!
Суть еще иншы → Майдан (чеперушка).
| Cело Украины
Майдан
|
Майдан — село в Межгорском районѣ Закарпатской области Украины.
Обсяг
- 1 Полога и околиця
- 2 История
- 3 Жерела
- 4 Одказы
- 5 Референции
Полога и околиця[едітовати | едітовати жрідло]
Село лежить при втоку рѣкы Голятинкы в рѣку Рѣка на одстояню 12 км од районного центра. До найблизшой желѣзничной штации (Воловець) — 45 км.[3] В околици суть вецеры жерела «квасной» воды. На сѣвер од села на плосѣ 42 га во вышках 650 аж 900 м лежить ботанична памятка природы «Готарь Голятин» з реликтовыми видами сосны обычайной (Pinus sylvestris L.) и сосны чорной (Pinus nigra) зо стромами вѣком до 170 рокы. На восток од села — ландшафтный заказник «Готарь Грабовець» з плохов 189 га. В самом селѣ и в околици суть добры можности убытованя в готелох.
История[едітовати | едітовати жрідло]
Перва упоминка о селѣ в историчных жерелах односить ся на XVI. ст., тогдышна назва его была Борис-Полянка. Под назвов Майданка упоминать ся од XIX. ст.[3] Закладателѣ и первы паны села были члены грофской родины Телекиовцьов. Уже в XIX. вѣку село мало пилу на водяный погон. Року 1910 в селѣ жило 2622 людей: окрем Русинох еще 826 Нѣмцьох, 50 Мадярох. Подля вѣры: грекокатоликы 1761, израелиты 833, римокатоликы 21.[4]
Стару назву села Майданка змѣнили на Майдан зачатком 1920-х рр., в чехословацкой добѣ.[2] Року 1930 в селѣ были 2873 жителѣ: Русины — 2009, Евреи — 797, Чехы и Словаци — 35, Нѣмцѣ — 14, Мадяре — 7, иншы — 5, чужоземцѣ — 6. Подля вѣры: 1157 православных, 857 грекокатоликох. В селѣ быв нотариат, пошта, жандарьска станиця. Ходив державный автобус. Была чешска державна школа (2 классы) и фарска грекокатолицка (4 классы).[1]
Року 1969 жительох было 1340. В селѣ была централна справа колгоспа «Револуционер», якый мав 2365 га землѣ, з того ораницѣ — 170 га, косаловох и пашковох — 900 га. Главный напрям быв скотарство. В селѣ быв тыж млин и пила. Была осемрочна школа, библиотека, клуб на 400 мѣст. Верхный Быстрый еще належав до Майданской сельской рады.[3]
Жерела[едітовати | едітовати жрідло]
- Dr. Jiří Král. Podkarpatská Rus. V Praze, nákladem vlastním, 1924.
- A történelmi Magyarország atlasza és adattára 1914 ISBN 963 85683 3 X
- Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5.
- Тронько П. и др. (ред.) Історія міст і сіл України. Том 7. Закарпатська область. К. 1969.
Одказы[едітовати | едітовати жрідло]
- Природно-заповѣдный фонд Межгорского района (укр.)
- https://goo.gl/maps/eHDtWSYE2my Кругова панорама села 1 (фото, 2015)
- https://goo.gl/maps/gjvtsi1Y9fs Кругова панорама села 2 (фото, 2015)
Референции[едітовати | едітовати жрідло]
- ↑ 1,0 1,1 Достал Я., с. 65.
- ↑ 2,0 2,1 Dr. Jiří Král, c. 117
- ↑ 3,0 3,1 3,2 Тронько П., с.373.
- ↑ A történelmi Magyarország
Навигация по Межгорскому районуРайонный центер: Межгорье
Села: Берегы • Буковець • Верхный Быстрый • Верхный Студеный • Вучково • Голятин • Горб • Дѣл • Заверхня Кичера • Завийка • Загорб • Запередѣля • Изкы • Келечин • Колочава • Косов Верх • Лозянскый • Лопушное • Лѣсковець • Майдан • Мерешор • Негровець • Нижный Студеный • Новоселиця • Пилипець • Подобовець • Подчумаль • Поток • Прислоп • Рекиты • Репинное • Ростока • Рѣчка • Свобода • Синевир • Синевирска Поляна • Соймы • Сопкы • Стрыгалня • Сухый • Титковцѣ • Торунь • Тюшка
Навигация по районах Закарпатской областиБереговскый ● Великоберезнянскый ● Виноградовскый ● Воловецкый ● Иршавскый ● Межгорскый ● Мукачовскый ● Перечинскый ● Раховскый ● Свалявскый ● Тячовскый ● Ужгородскый ● Хустскый